--Ads--
BENGUET – Maguyguyugoy dagiti mannalon iti probinsiya ti Benguet nga agparehistroda iti Registry System for Basic Sectors in Agriculture (RSBSA).
Maibasar iti datos, dumanon iti agarup 76,000 dagiti agdama a nakarehistro iti mannalon, fisherfolks ken dagiti agtutubo.
Kabayatanna, inlawlawag ni Delinia Juan, agriculturist ti probinsiya ti Benguet a saan a narigat ti agparehistro gaputa kasapulan laeng ti ID, tax declaration wenno land title.
Babalin metlaeng ti Barangay certification a mangibagbaga a makitaltalon ti maysa a mannalon.
Inlawlawag ni Juan a napateg ti panagrehistro agsipudta, daytoy ti basaran ti national government iti pannakaipaay ti anyaman a tulong.//Bombo Noveh Organo
