Nakaaawat ti agarup 500 a mannalon ken mangngalap ti Sablan, Benguet iti financial aid iti sidung ti Presidential Assistance for Farmers and Fisherfolk Program (PAFFP) idiay Sablan Municipal Hall itay kanikadua.
Sigun iti Department of Agriculture- Cordillera, pakabuklan a bilang a 529 ti nailistada a benepisyaryo manipud iti nasao a munisipyo.
Inlawlawag ni DA-CAR Field Operations Division OIC-Chief Leisley Deligen a ti nasao nga assistance ket para kadagiti mannalon ken mangngalap nga apektado iti panangngato ti production ken input costs nga intunda iti panagngato ti presyo ti produkto petrolyo.
Pinagyamanan met ni Sablan Mayor Alfredo Dacumos, Jr. ti Department of Agriculture-Cordillera gapu iti nasao nga assistance.
Kagiddan dayta, ginuyugoyna dagiti mannalon ken mangngalap iti masakupanna ang agparehistro ken iupdate dagitoy ti RSBSA iti DA-Cordillera babaen iti Municipal Agriculture Office. //bombokaren.c.sapirao
