BAGUIO CITY – Malamlamayan ita ti maysa a mannalon kalpasan a pimmusay gapu iti panakakimatna sadiay Sipitan, Bakun, Benguet.
Nabigbig daytoy a ni Michael Pusayen, 33-anyos, naasawaan, mannalon ken residente iti nasao a lugar..
Maibasar iti report, nakaawat ti Bakun PNP iti report seknan iti panakasarak ti bagi ti nasao a mannalon.
Nagresponde dagiti pulis kaduada ti Municipal Health Officer ti Bakun ken nasarakanda ti biktima a nakaidda iti abay ti maysa a pine tree.
Maibasar iti assessment ti Municipal Health Officer, natamaan ti nasao a mannalon iti kimat gapu kadagiti nagduduma a dunor a nasagrap daytoy ken kadagiti bettak iti puon ti kayo.
Naamuan a nagturong ni Pusayen iti pagmulmulaanna idi kanikadua ngem gaputa saan daytoy a nagawid iti kabigatanna ket pinabiruk daytoy ti asawana agingga a nasarakan ti bagi daytoy.
