--Ads--
BAGUIO CITY – Malamlamayan ti maysa a mannalon a pimmusay kalpasan nga inatalan ti elf truck sadiay Sitio Talukip, Eddet, Kabayan, Benguet idi kalman.
Nabigbig ti biktima a ni Michael Atolba, 49, addaan iti asawa ken residente iti nasao a lugar.
Maibasar iti imbestigasyon ti pulisya, dumaldalyasat ti nasao a lugan iti kalsada tapnu agideliberda iti nateng idi naaddaan iti mechanical defect.
Insardeng ti biktima ti lugan ken inkabilna ti gear iti neutral sakbay a simmirok iti elf truck tapnu kitaenna ti depekto.
Nupay kasta, killaat a nagabante ti truck ken naatalan ti biktima a nagresulta iti dagus daytoy nga ipupusay.
