--Ads--
BAGUIO CITY – Im-imbestigaran paylaeng dagiti otoridad ti panakapapatay ti maysa a mannursuro sadiay Bangued, Abra.
Nabigbig daytoy a ni Rodelio Claor, 41-anyos, residente ti San Gregorio, La Paz, Abra.
Maibasar iti imbestigasyon, agpappapukis ti biktima ken manarimaan ti panag-text-na iti cellphone idi simrek ti suspek a naka-facemask iti barber shop.
Ditoy a killaat a pinaltogan ti suspek ti ulo ti biktima iti naminsan a daras.
Dagus a naglibas ti suspek kalpasan ti pammaltog babaen iti motorsiklo.
Naitaray pay iti ospital ti biktima ngem naideklara a dead on arrival.
Sigun iti pulisya, kitkitaenda ti anggulo a susik iti daga ken love triangle iti nasao a kaso.
