Makasango ni Manny Pacquiao ti sabali a fighter iti tallo a round nga exhibition match idiay Japan kalpasan a nagretiro ti orihinal a makalabanna kalpasan a nagsagrap ti pannakadunor, sigun kadagiti organizers ita nga aldaw.
Makalaban kuma ti 45-anyos a world champion manipod Pilipinas ni Chihiro Suzuki inton July 28 iti Saitama para iti 68kg boxing bout iti tallo a rikos ti laban nga addaan ti tallo a minutos tunggal laban, nga awan ti desision manipod kadagiti hurado.
Napilitan nga imbabawi ni Susuki ti naituding a pannakibalubalna kalpasana a nagsagrap daytoy ti pannakdangran ti imana ken suktan daytoy ti kaduana a fellow Japanese mixed martial artist Rukiya Anpo.
Immuna a kinuna ni Pacquiao a nakikoordinarda para iti panagsublina iti professional boxing kalpasan ti tallo a tawen a panagsardeng daytoy.
Kinuna pay ni Pacquiao a nakipagsarita daytoy tapno sanguenna ni American Mario Barrios para iti posible a WBC welterweight world title ita a tawen ngem saan a natuloy.
Ti kaudian a pannakibalubal ti 8 division world champion ket iti exhibition a napasamak idiay Seoul, South Korea idi December 2022 kontra iti South Korean YouTuber.
