Maguygoyugoy dagiti umili iti siudad ti Baguio a dagos nga ireport ti mapadpadasanda a sintomas iti stomach upset tapno makatulong iti agtultuloy a panagmonitor iti posible a panagadu dagiti kaso.
Maibasar iti palagip, mabalin a mangipaay iti report dagiti makapaspasar kadagiti sumaganad a sintomas a kas iti panagtakki, panagbakwar, panagsakit iti tian, ken panagurigor.
Mabalin nga isubmitir ti impormasion babaen iti panag-scan iti QR code a nailatang para iti reporting application.
Mapatta-patta a tallo agingga iti lima a minuto laeng ti kasapulan tapno makumpleto ti proseso.
Nakiddaw metlaeng iti publiko nga ibinglay ti impormasyon kadagiti pamilia a makapadpadas iti kapada a sintomas tapno makareportda metlaeng ken makatulong iti panagkalap iti datos.
