Inwaragawag ni Alexander Penrad -Election Officer iti Kabayan, Benguet a dumanon iti mapattapatta a 10, 500 dagiti botante sadiay Kabayan, Benguet.
Kaadduan kadagiti botante ti manipud iti Barangay Ballay, Barangay Bashoy ken Barangay Poblacion, Kabayan Benguet.
Iti pannakiuman iti Bombo Radyo kenni Penrad, kinunana a dua dagiti agngayngayangay iti kina-Mayor; dua iti kina Bise Mayor bayat a 23 iti kinakonsehal.
Kinuna pay ti nasao nga opisial a very peaceful ti eleksion kasta met ti panagkampanya dagiti kandidato iti nasao a Munisipio.
Mainaig iti dayta, impetteng ni Penrad nga awan ti parikut dagitoy no maipapan iti signal agsipudta nakisaritada kadagiti satellite internet constellation para iti naparpartak nga internet connectivity intun eleksion.
Iti baet dayta inaklon ti nasao nga opisial a karit kadagitoy ti pannakaipatulod dagiti automated counting machine (ACM) kasta met dagiti Ballot baxes.
Nupay kasta, positibo daytoy a babaen iti panagtitinnulong dagiti local government units ken dagiti maseknan nga indibidual ket kabaelanda daytoy.
Kabayatanna, nagleppasen ti panagsanay dagiti 63 nga Electorial Boards ti Kabayan.//mp4
