Nadangran ti mapattapatta a 150 nga indibidual kalpasan ti magnitude 6.2 a ginggined idiay Istanbul, Turkey idi kalman, April 23, 2025.
Sigun iti opisina ti Gobernador idiay Istanbul, adu dagiti nadangran kalpasan a limmagto dagiti tattao manipud kadagiti pasdek kabayatan ti nasao a ginggined.
Maibasar iti United States Geological Surve, ti ginggined ket addaan iti kauneg a 10 kilometers.
Ti sentro daytoy ket agarup 40 kilometers iti abagatan a laud ti Istanbul iti taaw ti Marmara.
Narikna daytoy kadagiti kabangibang a probinsia ti nasao a lugar
Nagpaut daytoy iti 13 a sigundo ken napasarunuanda ti nasurok 50 nga aftershoks.
Kinuna met ni Interior Minister ti Turkey a ni Ali Yerlikaya a saan a nakaawat dagiti autoridad kadagiti report maipapan kadagiti narba a pasdek.
Kabayatanna, inpakaammo ni Education Minister Yusuf Tekin a maiserra dagiti eskuelaan idiay Istanbul ita nga aldaw, April 24 agingga intun bigat, April 25, 2025.
