--Ads--
Nasarakanen ti mapukpukaw nga indibidual sadiay Otucan, Bauko, Mountain Province.
Nabigbig daytoy a ni Mr. Nicholas Ol-oling manipud Otucan Sur, Bauko.
Nasarakan ti bangkay ti biktima iti Chico River sadiay Purok 2, Lanna, Tabuk City, Kalinga idi Mierkules, September 24, 2025.
Maipalagip nga impakaammo ni Kalinga Police Spokesperson, PCapt. Ruff Manganip a maysa a bangkay ti lalaki ti nasarakan sadiay Purok 2, Lanna, Tabuk City Kalinga.
Nasarakan daytoy ti maysa a security guard kabayatan ti panaggalana iti kayo.
Maibasar iti panagsukimat dagiti otoridad, bimlad ti bangkay ken awanan daytoy iti kawes.
Kinompirmar met ti pamilia manipud sadiay Bauko, Mt. Province a daytoy ti mapukpukaw a kabagianda.
