Inyanunsyo ti United States Embassy iti Pilipinas a paregtaenda pay ti requirements para iti visa application no sadino kasapulan nga ipakita dagiti ag-apply ti social media accounts dagitoy kas paset iti application.
Maipalagip nga ti nasao a direktiba ket para laeng kadagiti estudyante ken exchange visitors (F,M, ken J visas) ken kadagiti H-1B specialty occupation workers kadua ti H-4 dependents dagitoy.
Ngem ita , saklawen daytoyen ti:
– Fiancé(e) visa applicants (K-1, K-2, K-3)
– Personal employees wenno domestic workers (A-3, C-3, G-5)
– Trainee wenno special education exchange visitors (H-3 at H-4 dependents)
– Cultural ken religious visitors (Q, R-1, R-2)
– Informants, witnesses, ken biktima ng krimen (S, T, U)
Sigun iti embahada, maararamat ti social media tapno ma-evaluate nu maikan ti maysa nga aplikante ti visa.
Kasapulan nga ilista dagiti aplikante dagiti usernames wenno handles nga inaramat dagitoy lima a tawen ti napalabas ken siguradoenda a naka-public ti privacy settings dagitoy.
Impetteng metlaeng ti embahada a posible nga agresulta iti “visa denial” ken makaapekto iti sumaruno a visa applications nu saan nga ipaay ti umno nga impormasyon kadagiti social media requirements dagitoy.
Impalagip ti US Embassy a ti pananginayun iti social media iti visa application forms ken requirements ken nangrugi idi pay laeng 2019. //bomnbokaren.c.s
