Maysa kadagiti sangsangwen a parikut dagiti mannalon manipud Munisipyo ti Mankayan ti marketing ken distribution dagiti nateng.
Sigun kenni Mankayan Mayor Cesar R. Pasiwen, pinaayabanna dagiti mannalon iti masakupan daytoy nangruna idiay Balili tapno mapagtutungtongan dagitoy ti mannarimaan a sitwasyon.
Innayon daytoy a nu awan ti umno a market, maapektaran ti presyo dagiti produkto dagitoy.
Sigun pay kenkuana, ‘best producer’ ti rehiyon Cordillera kadagiti highland vegetables ngem iti agdama ket mapaspasatan ti oversupply, rason a bumagsak met ti presyo dagiti nateng.
Gapu iti kapadasan iti nasao a munisipyo, nagkiddaw dagitoy iti suporta manipud iti Department of Agriculture kasta metlaeng kadagiti nagduduma a concerned local government units a maaddaan ti Trading Post iti sabali pay a lugar ng asideg kadakuada kas idiay Ilocos.
Daytoy ket kalpasan a dadduma kadagiti mannalon iti nasao a munisipyo ti mangituromturng iti mulada idiay Ilocos tapno malako dagitoy.
Iti sabali a bangir, impeksa daytoy a maliklikan kuma dagiti panag-import kadagiti nateng manipud iti sabali a pagilian. Innayon daytoy a rumbeng kitdi a dagiti nateng manipud iti pagilian wenno rehiyon Cordillera ti dumanon iti sabali a pagilyan. //Bombo Noveh Organo
