Naipasan iti Senado ti Thailand ti pinal a pannakaibasa ti marriage equality law ita nga aldaw nu sadinno, daytoy ti umuna a pagilian iti Southeast Asia a mangbigbig kadagiti “same-sex couples”.
Kasaruno ti nasurok dua a dekada a panagregget manipod kadagiti aktibista ken politiko.
Babaen ti suporta manipod iti mamanday-linteg iti upper house, sumaruno met a kasapulan nga ummanamong wenno aprobaran daytoy ti prime minister.
Sigun kadagiti LGBT advocates, ti addang a napasamak ket aw-awaganda a “monumental step forward” gaputa ti Thailand ti umuna a nasion iti Southeast Asia a mangipatungpal ti marriage equality legislation ken ti maikatlo a teritorio iti Asya, kalpasan ti Nepal ken Taiwan.
Gapu iti pannakaipasa ti nasao a linteg, nagrambak dagiti mammanday-linteg ken aktibista iti Thailand parliament ken imbanderada ti “rainbow flags”.
Ti Thailand ket maysa kadagiti nalatak a pagilian iti Asia ken mabigbigbig iti kultura ti LGBT.
