BAGUIO CITY – Maipatungpal ti mas istrikto a panagbantay kadagiti entry points ti La Trinidad, Tuba, Tublay, ken Sablan nga agturong ditoy syudad ti Baguio mangrugi inton bigat, November 21 aginggat December 4, 2020.
Nupay kasta, mapalubusan latta dagiti residente dagiti nasao a munisipyo a sumrek ditoy syudad nangruna nu agtatrabahoda kadagiti public ken private offices pakairamanan dagiti establishmento ditoy syudad ken no addaan iti medical appointments wenno medical emergencies.
Kabayatanna, kadagiti residente ti La Trinidad nga addaan iti essential travel ditoy syudad nga aggapu kadagiti nasao a munisipyo ket kasapulanda a mangisagana iti Valid government-issued ID kas proof of residence, uray anya a documento nga agserbi kas proof of employment wenno agtagikua iti negosyo ditoy syudad, Medical Certificate manipod iti Provincial Health Office wenno Municipal Health Office a mangpaneknek a negatibo iti anyaman a sintomas ti COVID-19.
Para met kadagiti residente ti SABLAN, TUBLAY, ken TUBA ket kasapulanda a mangipakita iti Valid government issued ID, proof of employment, Barangay issued Quarantine Pass ken medical Certificate.
Mainaig iti dayta, kadagiti mapaay a mangipakita iti medical certificate ket maiturungda sadiay Baguio City Central Triage Unit para iti umno a health assessment bayat a dagiti agturung iti syudad para iti medical procedures, consultations, wenno appointments ket kasapulan a mangipakita iti valid government-issued ID ken Doctor’s Referral slip wenno confirmation ti medical appointment dagitoy.
Mapalubusan met nga umuneg ditoy siudad dagiti Health workers, members ti Contact Tracing Teams, ken kameng ti AFP, PNP ken BFP.
Kagiddan iti dayta, malimitaran met ti panagbyahe dagiti residente ti syudad kadagiti nasao a munisipyo bayat a maguyguyuguy dagiti opisina ken stablishmento nga addaan iti empleyado kadagitoy a manisipyo tapnu mangipatungpal iti work-from-home wenno alternate a work arrangements.
