Nasarakan a nakabitin ken awanan biag ti 14-anyos a balasitang iti uneg ti ab-abanganda a balay idiay San Mateo, Isabela.
Iti interview ti Bombo Radyo Cauayan iti lola ti biktima, kinunana a pinanawanna laeng ti apona iti apagbiit ngem idi nagsubli daytoy ket nadanonanna ti apona a nagkettel iti bukodna a biag babaen ti panagbekkelna usar ti ules.
Impeksa ti lola ti biktima nga awan ti nadakdakamat ti apona a parikut ngem sumagmamano nga aldaw sakbay a napasamak ti insidente ket dua nga aldaw a saan a nagaw-awid.
Nakipagnaed ti biktima iti balay ti barkadana iti maysa a barangay idiay San Mateo ngem napilit ti biktima nga agawid.
Iti agdama ket masmasdaaw pailaeng ti pamilya ti biktima nu anya ti rason iti panagkettel ti biktima iti bukodna a biag.
