Nagduduma ti nasayaat a plataporma dagiti dua nga angay-ngayangay iti kina-presidente sadiay Estados Unidos.
Iti panakiuman ti Bombo Radyo kenni Dr. Clarito De Francia, Bombo International News Correspondent sadiay California, USA kinuna a napintas dagiti plataporma dagiti dua a kadidato.
Patien ni De Francia a maysa kadagiti kapintasan a plataporma ni sigud a United States president ni Donald Trimp ti panangpapigsana iti ekonomiya, serraanna ti Border iti Mexico iti paset ti abagatan ti Estados Unidos, ken palag-anenna ti kabibiag dagiti tattao sadiay.
Iti sabali a bangir, maysa met kadagiti mapapati a kapintasan a plataporma ni Vice President Kamala Harris ti panggepna a kinasinged kadagiti nagduduma a raciss ken ti panggepna a demokratiko ken dadduma pay.
Kinunna ni De Francia a nakasagan ti Estados Unidos a maaddaan iti babae a presidente ngem sumagmamano metlaeng iti saan a pabor iti daytoy.
Kabayatanna, patien ni De Francia a ti panggep a panangpapatay kenni Donald Trump ket karaman kadagiti ar-aramiden dagiti democrats a mangipatungpal iti nagduduma a pammabasol ken kaso kontra kenkuana.
Nupay kasta, nakaipaay iti simpatia kadagiti tattao sadiay ti insidente a pammaltog kenni Trump ken posible a nangitunda daytoy iti panagbalbaliw iti kapanunutan dagiti tattao.
Iti agdama, nakasaga metten dagiti otoridad para iti peace and order iti nasao a pagilian para iti eleksion intun bigat.//mp4
