--Ads--
Nangipaulog ni Mayor Antonio Torchia iti Belcastro, Italy iti proklamasion a mangiparit iti panagsakit wenno pannakadangran dagiti umili.
Ngem inlawlawag ni Torchia a ti proklamasion ket maysa laeng gayam nga angaw tapno mangawis iti atension kadagiti kinakurang ti “healthcare infrastructure” wenno imprastruktura ti panangtaripato iti salun-at iti masakapunna a lugar.
Ti Calabria gamin ket maysa kadagiti kakurapayan a rehion idiay Italy ken napadasan ti nasao a lugar ti pannakaserra ti 18 nga ospital manipud idi 2009.
Idi 2022, inwaragawag ti Cube a mangibaonda iti 497 a doktor idiay Calabria iti las-ud ti tallo a tawen tapno tumulong kadagiti medikal a pasilidad ti rehion.
