Kidkiddawen ni Mayor Benjamin Magalong kadagiti empleado iti lokal a gobierno a doblein ti panagreggetda iti tengnga iti nagduduma a karit, karaman ti epekto iti agtultuloy a tension idiay Middle East.
Iti maysa nga statement iti social media, impaganetget iti alkalde iti kinapateg iti agtultuloy a panagtrabaho nga addaan iti dedikasion ken addaan panggep a makaipaay iti positibo a panagbalbaliw iti siudad.
Sigun pay iti alkalde, iti panawen iti krisis ket saan a rumbeng nga agsardeng iti serbisio publiko. Imbes kitdi, kasapulan a papigsaen ti rikna ken ad-adda pay a pasayaaten ti panagtrabaho para iti pagimbagan iti Baguio.
Impaganetgetna pay a napateg para iti tunggal kameng ti staff nga ad-adda nga episiente ken epektibo ti panangipatungpalna kadagiti trabahona, bayat nga agtultuloy iti panangipaay iti dekalidad a serbisio iti umili ken agkaykaysa para iti panagdur-as iti siudad.
