Nangipila ti reklamo ti agtawen iti 23 a babae awanan asawa ken residente idiay Lower Navy Base Saint Joseph Village, Baguio City kontra iti suspek nga agtawen iti 48 a lalaki, construction worker ken residente sadiay Irisan, Baguio City kalpasan a nadukutan daytoy.
Iti imbestigasyon ti pulisya, ti insidente ket napasamak iti sango ti maysa a panganan sadiay Upper Magsaysay, Baguio City.
Sigun iti biktima bayat a magmagna daytoy iti 1st kayang street, Baguio City, natakuatanna a mapukpukaw ti selponna nga aggatad iti P4,000.00.
Gapu iti dayta, nagturong daytoy iti precint 71 iti public market tapnu ireport ti nasao nga insidente.
Dagus met a nag-imbestigar ti nakaduty a pulis ken nagkita kadagiti possible a CCTV footage a nakamuntar iti asideg ti nagnaan ti biktima.
Ditoy metten a nasapulan ti pulis ti maysa a CCTV footage ti maysa a panganan a dita a nabuya ti actual a panagdukut ti suspek iti selpon ti biktima.
Intuloy ti pulis a nagpatrolya ken nagmonitor iti central business district area a saan a naka-uniporme.
Sumagmamano a minutus nakitana ti suspek iti sango ti panganan rason a tiniliwna daytoy.
Naiturong ti suspek ti BCPO Station 7 para iti pannakaisagana dagiti dokumento para iti panakapila ti kaso kontra it suspek.
Boluntaryo met a naisurrender ti selpon a tinakaw ti suspek babaen iti live-in partner ti suspek kadagiti pulis.//Bombo Noveh Organo
