--Ads--
BAGUIO CITY – Boluntaryo a simmuko iti Bauko Municipal Police Station ti maysa a babai a miembro ti terorista a grupo.
Daytoy ket kalpasan ti serye ti negosasyon nga impatungpal ti Mountain Province Police Provincial Office ken dagiti nagduduma nga ahensia ti gobyerno.
Ti 22-anyos a babai ket residente ti Muntinlupa, kameng ti NPA, sigud a Supply Officer ti KLG AMPIS, ICRC, nailista kas non-PSR ken adda iti sidong ti COPLAN HIGHLANDS-2022.
Insukona metlaeng kadagiti otoridad ti maysa nga igam.
Agtalek met ti Mountain Province a ti agtultuloy a panagsuko dagiti kameng ti Communist Terrorist Group ket pamaneknek a saan a masaysayang ti agtultuloy a panangital-o ti gobyerno iti linak ken kappia.
