Maysa nga agdadagsen ti naganak bayat nga adda iti ere iti flight iti Delta Air Lines manipod idiay Atlanta paturong idiay Portland.
Sigun iti airline, naiyanak ti maladaga tallo pulo a minuto sakbay nga aglanding ti eroplano.
Timmulong met iti panaganak ti ina ti dua a nurse, maysa a doktor, ken cabin crew.
Dagos metlaeng a nagkiddaw iti emergency landing ti piloto, ken sinarabu iti medical team ti ina ken maladaga iti panagsangpetda iti airport.
Agpada a nasayaat ti kasasaad ti agina, sigun kadagiti otoridad.