Panggep ti maysa a Brazilian influencer nga agbalin a “virgin” manen.
Tapno mapasamak daytoy, kasapulanna a makaurnong iti US19,000 wenno PHP1,114,540 tapno maipasidong iti vaginal rejuvenation operation.
Nabigbig ti Brazilian influencer a ni Ravena Hanniely, baente tres anyos.
Addaan daytoy ti nasurok 267,000 followers iti maysa a social media platform, nu sadinno kanayon a sexy ti ladawan nga iparparangna iti publiko.
Nagbalin metlang a “cover” daytoy iti Playboy Magazine Denmark edition idi July 2024.
Iti pablaakna iti social media, kinunana a ti procedure ket adda ti special meaning para kenkuana.
Maipasidong ni Ravena iti hymenoplasty, a maaw-awagan metlaeng ti hymen repair, maysa a medical procedure nu sadinno, daiten ti surgeon ti napigis nga igid ti hymen ti babae usar ti dissolvable stitches.
Iti nasao a proseso, mapigis ken agdara manen a kasla iti first sexual encounter.
Ngem adda metlaeng ti posibilidadna a saan nga agdara.
Ti operasion isimbolona ti baro a pangrugian iti personal ken propesional a biagna.
Saan pay a nalawag nu kaano ti plano ni Ravena a maipasidong iti surgery.
Maibasar iti maysa a social media post daytoy, pagsagsaganaanna ti pisikal a pammagina isut rason a pagtatalinaedenna ti nasaayat a kondision ti bagina.
