--Ads--
BAGUIO CITY – Sumangsango ti maysa a construction worker iti kaso a panaglabsing iti RA 9165 wenno Comprehensive Dangerous Drugs Act of 2002 kalpasan a natiliw iti buy-bust operation nga insayangkat dagiti otoridad sadiay Naguilian Road, Baguio City.
Nabigbig daytoy a ni Guillermo Mendoza Menenses, 38-anyos ken residente iti Asin Road, Baguio City.
Nakumpiskar manipud kenkuana ti maysa a pakete ti maatap a shabu, dua a pidaso ti boodle money ken cellphone nga inaramatna iti transaksion Dagus a naiturong ti nasao a suspek iti kustodiya ti pulisya para iti umno a disposisyon ti kaso daytoy.
