Naarestar ti maysa nga Street Level Individual iti naikasa a buy-bust operation idiay KM5, Barangay Pico, La Trinidad, Benguet idi Biernes, August 19, 2025.
Ti suspek ket agtawen iti 30 ken maysa a daytoy a driver.
Nakumpiskar manipod kenkuana ti 2.63 a gramo iti maatap a shabu (methamphetamine) nga addaan iti Standard Drug Price a ₱17,884.00.
Naala metlaeng manipod iti suspek dagiti non-drug evidence kas iti maysa nga original one thousand peso bill kas buy-bust money, maysa a one thousand peso bill boodle money, maysa a black Vivo touchscreen cellular phone,maysa a black leather wallet a naglaon kadagiti nagduduma nga IDs, ken uppat a piraso iti one hundred peso bill.
Naballigi ti nasao nga operasyon babaen iti nagtitipon a pwersa dagiti kameng iti Philippine Drug Enforcement Unit/Provincial Intelligence Unit- Benguet Police Provincial Office, La Trinidad Municipal Police Station, ken 2nd Police Mobile Force Company, Benguet PPO, iti koordinasyon iti Philippine Drug Enforcement Agency.//Bombo Jerwin Aquino
