Nasentensian ni Dr. Alexander Baldonado, maysa a Filipino-Canadian a permanente nga agnanaed sadiay Estados Unidos iti 10-counts a health care fraud a dumanon iti $24 million.
Sigun iti US Department of Justice, naiparang dagiti dokumento ken dagiti ebidensya a mangipakpakita a nakaawat ni Dr. Baldonado iti rinibribo a dolyar manipud kadagiti iligal cash kickbbacks ken panakasuhol daytoy katukad ti panag-orderna kadagiti laboratory tests a pakairamanan dagiti cancer genetic tests a maipabayad iti Medicare ken iti dua a laboratoryo sadiay New York.
Iti nasao nga scheme, ni Dr. Baldonado ti nang-otorisado kadagiti ginasgasut a cancer genetic test.
Nupay kasta awan ti inagasan ti nasao a doktor kadagiti pasyente kasta met a saanna a kitkitaen dagiti maor-order a cancer genetic tests.
Malaksid iti dayta, saanna met a binisbista dagiti pasyentena.
Kabayatanna, naituding a maipaay ti sentensya daytoy inton Hunyo baent sais nu sadino maipaayan daytoy iti pannusa a sangapulo a tawen a panakaikulong kadagiti tunggal count a health care fraud a sangsangoenna.
