Nakaawat iti pammabigbig online ti maysa a babai a pulis manipod iti Baguio City Police Office kalpasan a tinulunganna ti maysa a maladaga bayat nga isaysayangkat ti ina daytoy iti examination iti National Police Commission Entrance Examination.
Ni Police Corporal Marjorie P. Wacnag ket dagos a timmulong idi Abril 19, 2026, iti maysa a lolo a nangaywan iti apokona bayat nga adda iti uneg iti silid a pakaisaysayangkatan ti examination ti ina ti maladaga, manipod idiay Cervantes, Ilocos Sur.
Idi nangrugi a nagsangit ti maladaga, ni Wacnag—a maysa metlaeng nga ina—ti timmulong tapno patalnaen ken pakanen ti ubing. Gapu iti daytoy, ad-adda a simmayaat ti kasasaad para iti lolo ken nagtultuloy a saan a nadistorbo ti ina iti examination.
Pinadayawan met ni Police General Jose Melencio “Tateng” Nartatez Jr. ti nasao nga addang, ken kinunana a ti panagbalin a pulis ket saan laeng a maipapan iti panangipatungpal iti linteg nu diket kasta metten iti panagsungbat iti kasapulan ti dadduma.
Impaganetget metlaeng iti Philippine National Police a ti nasao nga insidente ket pammaneknek iti panggepda a mangipaay iti napartak, umno, ken mapagnamnaman a serbisio, ken pinaregtada dagiti staff-da nga agtultuloy nga agbalin a proactive iti panangtulong iti publiko.
