Pinaglibakan ni Ako Bisaya Party-list Rep. Sonny Lagon ti akosasyon nga adda ti pakainaiganna iti isyu ti mapukpukaw a “Sabungeros”.
Sigun kenkuana, awan ti kina-agpayso iti aligasyon kenkuana ti whistleblower a ni Julie “Dondon” Patidongan.
Impetteng ni Lagon nga awan ti ebidensia kontra kenkuana.
Iti baet dayta, inaklon ti nasao nga opisial a naimbitaran a makipartisipar iti Lucky 8 Star Quest Inc, maysa a kompanya mangipalpalubos iti e-sabong operations a lisensiado ti Philippine Amusement and Gaming Corporation (Pagcor).
Napalubusan metlaeng ti nasao a korporasion nga ag-operate kadagiti gaming related activities, kas iti internet-based betting ken recreational sports, a maitunos iti national regulations.
Inyunay -unay daytoy a ti pannakipasetna iti e-sabong ket limitado no anya ti legal.
Maipalagip nga inakusaran daytoy ni Patidongan a karaman iti meeting ti ‘Group A’ a pakairamanan ni Mr. Atong Ang ken ti isyu maipapan kadagiti mapukpukaw a sabungeros.
