Nakemmeg ti maysa a lalaki, agtawen ti 28, awanan asawana, maysa a laborer/helper, tubo ti Bauko, Mountain Province ken residente ti KM4, Pico, La Trinidad, Benguet gapu iti iligal a droga bayat ti buy bust operation a naipatungpal Agosto 4, 2025.
Naala manipod iti suspek ti maysa a pidaso heat sealed transparent plastic sachet a naglaon ti maatap a shabu nga agdagsen ti 0.62 grams nga addaan ti standard drug price a P4, 216.00.
Malaksid iti dayta, nasamsam pay kenkuana ti maysa a pidaso ti heat sealed transparent plastic sachet a naglaon ti maatap a shabu nga agdagsen iti 1.72 grams nga addaan ti standard drug price a P11, 696.
Malaksid kadagiti drug evidences, nakumpiskar metlaeng manipod iti suspek ti maysa a pidaso ti original a one thousan bill a nagserbi kas buy bust money, uppat a pidaso ti P1,000 boodle money, maysa a pidaso ti one hundred pero bill genuine, maysa a pidaso ti fifty peso bill genuine ken maysa a selpon.
Balligi a naipatungpal ti operasyon babaen ti kameng ti Philippine Drug Enforcement Agency-La Trinidad Municipal Police Station ken 2nd Provincial Mobile Force Company, Benguet Police Provincial Office.
Ti suspek ket sumango ti kaso a panaglabsing ti Republic Act 9165 wenno Comprehensive Dangerous Drugs Act of 2002.//Via Bombo Noveh Organo
