Nangipila ti kaso lalaki nga agtawen iti 54,construction worker, ken tubo ken residente ti Tuba, Benguet kontra iti step-son/siuman daytoy nga agtawen iti 21, construction worker, tubo idiay Sablan ken residente ti Tuba, Benguet gapu iti panangdangran na kenkuana itay nabiit idiay Sitio Lasong, Tadiangan, Tuba, Benguet.
Maibasar iti report ti pulisya, ti insedente ket napasamak iti rabii ti Hulyo 12 ngem naireport laeng daytoy pasado alas-singko ti malem ti Hulyo 13.
Iti imbestigasyon ti pulisya, sakba a napasamak ti insidente, inbalibag ti suspek ti ruangan iti pagtaengan ti lola na no sadino maatap a nakainom daytoy.
Apaman a naamuan daytoy ti biktima, kinomprontarna ti siuman na a lalaki.
Naaddaan dagitoy iti panangsinupiay iti ayan ti maysa a coop store nga asideg iti pagtaenganda.
Bayat ti panangsinupiat dagitoy, nakaunget ti suspek ket dita metten a nangpidot daytoy iti 3x3x31 a kayo sana inpang-ur iti biktima iti namindua a daras.
Tapno saaen a kumaro ti sitwasyon, pimmanaw ti biktima ken nangturong iti pagtaengan ti nanang na.
Nupay kasta, nagawid ti suspek ken inalana ti bolo sana sinurot ti biktima.
Gapu iti dayta, naadaan ti komosyon iti nasao a pagtaenganda agingga a natagbat ti makinkannawan a paset ti pingping pakairamanan ti likod ti ulo ti biktima.
Inanawa met dagitoy dagiti kabagyanda ken naiturong iti ospital ti biktima.
Apaman a nakaala daytoy iti medical certificate ti biktima, nagdesisyon daytoy nga ireport ken mangipila iti kaso kontra iti siuman na.
Maisagsagana metten dagiti kaskenan a dokumento para iti pannakairefer ti kaso kontra iti suspek iti korte. // via Bombo Noveh Organo
