Nakemmeg ti maysa a lalaki gapu iti maatap a kasona a Direct Assault against an Agent of Person in Authority and Resistance and Disobedience to a Person in Authority.
Ti nagreklamo ket maysa a kameng ti Philippine National Police, bayat a ti suspek ket lalaki nga agtawen ti 37, tubo idiay Leyte, ken residente ti Purok 6, Upper Pinget, Baguio City.
Maibasar iti imbestigasion ti pulisia, nagresponde dagiti nasao a personnel iti naireport a pysical injuries iti sanguanan ti Centermall, Baguio City.
Dagos met a nag-anawa dagiti personnel idi nakasangpet iti nakapasamakan ti insidente ken inturong dagitoy idiay FVP2.
Bayat nga adda dagitoy iti nasao nga opisina, intudo ti suspek ti makin-tengga a ramayna.
Inasitgan ti suspek ti personnel ken ginuyodna ti reflective vest ti pulis a nangitunda iti pannakadadael ti vest daytoy.//Bombo Gen
