Nakemmeg ti maysa a lalaki, adda iti umno a tawen, iti drug buy-bust operation a naisayangkat sadiay Outlook, Baguio City itay laeng parbangon ita nga aldaw.
Nakumpiskar manipud iti suspek iti maysa a heat sealed transparent plastic sachet a naglaon iti maatap a shabu.
Malaksid iti dayta, nakumpiskar pay manipud iti suspek ti maysa a cellphone ken kuarta a nagbalin a buy-bust money ken boodle money.
Ti operasyon ket insayangkat iti Baguio City Police Office, Police Station 3.
Iti agdama, addan ti suspek iti kustodiya iti pulisya nu sadino sumangsango daytoy iti panaglabsing iti Republic Act 9165 wenno Comprehensive Dangerous Drugs Act of 2002.
Maisagsagana metten dagiti dokumento kontra iti lalaki para iti proseso iti nasao a kaso.
Kabayatanna, kiniddaw ti pulisia iti publiko a tumulong iti panangipakaammo kadagiti otoridad no adda ti maammoanda nga aglaklako wenno agar-aramat ti iligal a droga iti komunidad.
Mabalin metlaeng nga ipakaammo dagitoy babaen kadagiti opisial a linya ti pulisia tapno dagus a maaramid dagiti maiyannatop nga aksion.| via Bombo Khey Reparip











