BAGUIO CITY – Nakemmeg ti maysa a lalaki sadiay Smith Drive, Purok 7, Km4, Asin Road, Baguio City kalpasan a naaktuan daytoy nga agar-aramat iti maatap a shabu idi kalman, April 01, 2025.
Ti nasao a lalaki ket agtawen iti 42, mekaniko, ken residente idiay Magnolia St. San Luis Village, Baguio City.
Maibasar iti report ti pulisya, manarimaan ti panagpatrolya dagiti kameng ti BCPO-PS9 idi impakaamo kadakuada ti maysa a concerned citizen nga agar-aramat iti maatap a shabu ti nasao a suspek bayat a nakaparada ti lugan daytoy.
Dagus met a nagturong dagiti kameng ti pulisya ken naaktuanda ti suspek manarimaan nga agar-aramat iti iligal a droga.
Nakumpiskar manipud iti suspek ti maysa a pidaso ti open transparent plastic sachet a naglaon iti MOL 0.3 grams ti maatap a shabu.
Nakumpiskar metlaeng kenkuana ti maysa a plastic container a naglaon iti white heat-sealed transparent plastic sachet a naglaun iti maatap a shabu.
Agdagsen daytoy iti 0.3 grams ken agattad iti Php 1,000.00.
Malaksid iti dayta, nakompiskar metlaeng manipud iti nasao a suspek dagiti nagduduma a Non-drug Evidence a pakairamanan ti maysa a Red Mitsubishi Pajero; dua a lighters; maysa nga used foil; maysa a transparent blade case a naglaun iti pito a blades ken siam nga assorted identification cards.
Iti agdama, imet ita ti BCPO-PS9 ti suspek para iti umno a dokumentasion sakbay a maipaima iti korte.
Posible a mapilaan daytoy iti kaso a panaglabsing iti Section 11 ken 15 ti RA 9165.//Via Bombo Genzel Depayso