Naparalisado ti maysa a lalaki kalpasan a nagtugaw iti kasilyas iti dandani 30 a minuto bayat ti panangusarna iti selponna.
Sigun kadagiti doktor, ti nabayag a panagtugaw iti saan a nasayaat a posision ket mabalin a makaapektar iti sirkulasion ti dara ken mangpataud iti “pressure” kadagiti urat iti likudan.
Iti kaso ti lalaki, mapapati a naipit ti sumagmamano a paset ti spinal cord-na a posible a nangitunda iti serioso a kondisionna a maaw-awagan a cauda equina syndrome.
Pakdaar daytoy kadagiti adu a tattao a nairuam a mangbusbos iti nabayag nga oras iti banyo bayat ti panagkitada iti screen ti selponda.
Ti kombinasyon ti saan nga umno a panagtugaw ken ti nabayag a panagtugaw ket mabalin a makadangran iti “gulugod.”
Tapno maliklikan daytoy a parikut, nasaysayaat nu limitaran ti panagusar iti selpon bayat nga adda iti banyo.
