Inyuswat iti probinsia ti Benguet ti libro a “Bahdew: A Compilation of Ibaloy Chants” kas paset iti panangrambak iti National Arts Month.
Ti libro ket naglaon iti dandani dua gasut nga Ibaloy chants wenno “ba-diw” nga inurnong ni Victor Cosalan.
Sigun kenkuana, universal ti mensahe iti ba-diw ken saan daytoy a maikontra iti aniaman a relihion wenno adal iti pagadalan.
Kinuna met ni Melchor Diclas a napateg a maipasa kadagiti agtutubo ti kultura tapno saan a malipatan.
Adda ti tallo gasut a kopia iti libro a naaramid ken sumagmamano kadagitoy ket naipadawat kadagiti pagadalan ken maikabil iti Benguet Library ken Benguet Museum.
Sinuportaran met daytoy iti Department of Education, a nangibaga a ti “ba-diw” ket saan laeng a kanta nu diket paset iti identity ken pakasaritaan dagiti Ibaloy.
