Maysa manen a pagadalan sadiay Mankayan, Benguet ti naserrek ken maatap a natakawan.
Sinnerek dagiti saan pay a nabigbig nga agtatakaw ti Lepanto Elementary School idiay Mankayan, Benguet iti rabbi idi Agosto 5 no sadinno pinilit dagiti agtatakaw a nilukatan ken dinadael ti lock ken ruangan ti klasrum ti pagadalan.
Gapu iti daytoy, naiwara dagiti nagduduma a kagaawan kas iti papel, drawen, ken dadduma pay a kagawaan iti uneg ti nasao a klasrum.
Sigun iti impablaak ti nasao a pagadalan, malaksid iti panagtakaw, maatap a nagvandal metlaeng.
Umap-apila met ti nasao a pagadalan iti publiko iti tulong para iti pannakaipaay ti seguridad dagiti pagadalan.
Malaksid iti dyta, ginuyugoy metlaeng ti nasao a pagadalan ti publiko nga ireportda nu adda dagiti naobserbaranda a mapagduwaduwaan nga indibidual, lugan, wenno anyaman nga aktibidad iti asideg iti skwelaan idi napasamak ti insedente tapno mabigbig dagiti adda iti likod ti nasao a panagtakaw.
Maipalagip nga ada metlaengen ti immunan a napasamak a panagtakaw idiay met Guinaoang Elementary School, dua a lawasen ti napalabas (Hulyo 19 or 20) no sadino naiwara metlaeng dagiti nagduduma a kagawaan iti uneg ti klasrum ti pagadalan.
Iti agdama, imimbestigaranen dagiti kameng ti kapulisan ti napasamak nga insidente. //bombokaren.c.sapirao
