Naispal ken naiyawid iti pagilian ti agtawen iti 24 a Pilipino manipud sadiay Cambodia itay nabiit.
Napilitan daytoy nga agtrabaho iti “love scam” hub sadiay Phnom Penh.
Sigun kenkuana, naikari kenkuana ti trabaho a customer service representative iti maysa nga online betting company.
Inlawlawag ti biktima a nakaawat daytoy iti job offer manipud iti sigud a katrabahuanna.
Immuna a nagturong daytoy sadiay Taiwan sakbay a nagbiahe idiay Cambodia.
Iti panagsampet daytoy, kinuna ti employer na a makisarita kadagiti American citizens babaen ti social media ken applications.
Iti kanito a saanna a magun-od ti quota, dangran daytoy ti employer na tapno mapilitan a makaala iti quota.
Impanamnama met ti gobierno ti amin a tulong para iti biktima kalpasan a nagsubli iti pagilian.
Gapu iti nasao nga insidente, nagpakdaar manen ti Bureau of Immigration iti publiko seknan kadagiti “love scam” Job offers kadagiti dadduma a pagilian.
