Pimmusay ti maysa a security guard bayat a nauram ti barracks a pagnanaedan dagitoy sadiay Assay Atok Gumatdang, Itogon, Benguet.
Iti panakiuman ti Bombo Radyo kenni F03 Saturnino Ariston manipud iti Bureau of Fire Protection-Itogon, kinunana a naireport kadakuada ti insidente iti 9:00 itay laeng rabii, (October 27, 2025).
Sigun kenkuana, adda ti saan a nagkikinaawatan dagiti security guards iti uneg ti barracks dagitoy bayat nga agiinumda iti nasangir nga arak a nangitunda iti panagpaputokda iti paltog.
Kinunana pay a mapapati metlaeng a naigagara ti napasamak nga uram.
Dagus met a naiyawag daytoy kadakuada rason a dagos dagitoy a nagresponde.
Gapu iti dayta, naideklara a fire out ti nasao nga uram itay laeng 1:21 itay parbangon, (October 28, 2025).
Nupay kasta, manarimaan ti manhunt operation dagiti otoridad iti security guard a nabigbig kas suspek iti nasao nga insidente.
Malaksid iti dayta, innayon pay ni Ariston nga agtultuloy ti imbestigasyon dagitoy iti nasao a banag.
