Dagos a nirespondean dagiti kameng ti Itogon Municipal Police Station (MPS) ti naireport kadakuada a shooting incident iti maysa a repair shop idiay Sitio Slide, Barangay Tuding, Itogon, Benguet idi kalman, Setiembre 6.
Sigun iti inisyal nga imbestigasyon dagiti kapulisan, mapapati nga immuneg ti suspek iti nasao nga establisyimiento bayat nga adda ti birbirukenna a tao.
Inobserbaran met daytoy ti witness no sadino nakitana nga adda ti imparuar ti suspek a paltog manipud iti waistband daytoy sananto inkasa.
Dagos met a nilapdan daytoy dagiti concerned citizens nga adda idi iti uneg ti nasao nga establisimiento.
Kabayatan iti panangagawda iti armas, aksidente a naiputok ti paltog a nangitunda iti pannakadangran ti maysa nga indibidual.
Kalpasanna, dagos met a nasecure ti witness ti paltog manipud iti suspek.
Dagos met a naitaray ti nadangran nga indibidual iti pagagasan para iti pannakatamingna. Sigun iti kaudian a report, adda metten daytoy iti nasayaat a kasasaad.
Naarestar ti suspek ken mannarimaan nga adda iti kustodiya ti Itogon MPS.
Naiturnover met ti nasao a paltog kadagiti responding police personnel a dagos a nagresponde iti napasamak para iti dokumentasyon ken imbestigasyon.
Mannarimaan metten ti pannakaisagana dagiti dokumento para iti pannakaipila ti kaskenan a kaso kontra iti suspek.
