Napasamak ti maysa a vehicular traffic incident idiay Marcos Highway, Sitio Begis, Poblacion, Tuba, Benguet pasado alas-dyes ti rabii idi kalman.
Ti nasao nga aksidente ket nairamanan ti maysa a Ford Everest a lugan nga imanmanego ti maysa a lalaki, agtawen iti 45 , ken agdama a residente idiay San Francisco, Pineda City, Pasig City.
Sigun iti imbestigasyon dagiti kapulisan, bayat a daldalyasaten ti biktima ti nailet a paset ti nargaay a kalsada, namiscalculate na ti dalan gapu iti napuskol nga ‘hamog’ ken napigsa a tudo rason tapno matnag ti rear front ken right rear tire ti lugan na iti kanal.
Dita metten a naisalat ti luganna.
Saan met a naan-ano ti nasao a driver ngem naaddaan iti ‘dents’ wenno dadael ti makannawan a paset ti lugan na.
Kabayatanna, naikaten ti lugan iti nasao a kalsada.
Gapu iti daytoy, agpalpalagip manen dagiti kapulisan kadagiti motorista nga agganad dagitoy. //via Bombo Noveh Organo
