Naarestar ti maysa a wanted a miyembro dagiti rebelde idiay Barangay Camp 7, Baguio City iti joint operation nga insayangkat ti Police Regional Office Cordillera Administrative Region ken dadduma a partner law enforcement agencies idi napalabas a lawas.
Sigun iti report nga insumitir ni PBGEN ERICSON D DILAG, Regional Director of PRO CAR, sigud a nagserbi ti suspek kas Executive Committee (EXECOM) ken Komite (KT) Finance (FIN) officer ti Weakened Kilusang Larangang Guerilla (WKLG) Baggas.
Nailista daytoy iti Periodic Status Report kadagiti Threat Groups (PSRTG) iti maudi a kwarter idi tawen 2023.
Sumangsango daytoy iti uppat a bilang ti murder, 14 a bilang ti attempted murder, dua a bilang ti frustrated murder, maysa a bilang ti destructive arson, ken maysa a kaso ti robbery with violence against or intimidation of persons.
Naipaulog ti warrant daytoy babaen iti bileg ti warrant of arrest nga inpaulog dagiti nagduduma a Regional Trial Courts idiay Tabuk City ken Lubuagan, Kalinga no sadinno dadduma kadagiti naipila a kaso ket awan piyansana.
Balligi ti nasao nga operasyon babaen iti nagtipon a puwersa dagiti personnel manipud Regional Mobile Force Battalion 15; Regional Intelligence Division ti PRO CAR; the Directorate for Intelligence; Police Station 8 ken City Intelligence Unit ti Baguio City Police Office; Provincial Intelligence Unit ti Kalinga Police Provincial Office; National Intelligence Coordinating Agency CAR; City Intelligence Team Baguio City; ken Regional Intelligence Unit 14. //karen.c.sapirao
