Kinumpirmar ni Mayor Ronnie Evangelista a narecover ti maysa kadagiti tallo a mapukpukaw iti nargaay nga landfill idiay Rodriguez, Rizal idi Pebrero 22.
Kabayatanna, inladawanna nga ” exaggerated” ti damag a dumanon iti agarup 50 agingga 100 ti bilang ti mapukpukaw gapu iti nasao a pasamak.
Naiturn-over metten ti bagi iti maseknan a pamilya.
Inlawlawag ti nasao nga opisyal nga adda dagiti karit a sansanguenda gapu iti addu nga compacted waste idiay landfill.
Innayonna a maibasar iti inisyal nga imbestigasyon, napasamak ti nasao a trash slide kabayatan iti compaction activities iti maysa a paset ti nasao a landfill.
Innaklon met ti landfill operators nga adda ti nagkuranganda gapu ta pinaggidanda ti uppat a bulldozer nga agoperate iti nasao a pasdek.
Sigun pay iti nasao nga opisyal, idadauloan ti Department of Environment and Natural Resources ti imbestigasyon iti napasamak nga insidente.
Kabayatanna, Phase 5 laeng ti naapektaran ken naisara bayat a ti nabatbati a paset ti landfill ket agtultuloy nga agop-operate tapno saanna maitantan ti panagkolekta to basura kadagiti komunidad. //BomboKCS
