--Ads--
Maysa nga embryo, nasarakan ditoy siudad ti Baguio
BAGUIO CITY-Nasarakan ti maysa nga embryo iti nagbaetan ti Jadewell Parking Area ken ti Melvin Jones Football Ground ditoy siudad ti Baguio idi kalman.
Sigun iti maysa nga empleyado ti City Environment and Parks Management Office (CEPMO), agdaldalus daytoy iti nasao a disso idi nakitana ti placenta tissue ken ti embryo a naikabil iti rabaw ti maysa a bato sadiay.
Dagusna daytoy nga inkamang kadagiti pulis ken iti panangiproseso ti SOCO iti embryo ket naduktalan a saan paylaeng daytoy a nag-develop iti porma ti tao.
Mapapati met a naregreg ti nasao nga embryo a maysa wenno dua laeng a bulan.
Naiturongen iti maysa a punerarya ditoy siudad ti nasao nga embryo para iti umno a disposisyon.
