Naibalud ti maysa a trenray tres anyos, awanan asawa ken residente sadiay Buyagan, Poblacion, La Trinidad, Benguet kalpasan a nakita dagiti dua a witness ti ti panagtakawna iti cellphone ti maysa nga studyante.
Dagiti witness ket agpada a lalaki ken naasawaan agtawen iti singkwentay uno ken singkwentay singko no sadino maysa kadakwada ket barangay kagawad, bayat a ti biktima ket maysa nga studyante baente uno anyos lalake ken residente sadiay Bayabas, Pico, La Trinidad, Benguet.
Maibasar ti report , dagiti witness ket agturung iti municipyo idi nasabatda ti suspek a nang-ala iti selpon ti biktma iti bulsana bayat a nakaturug daytoy iti waiting shed.
Dinamag dagiti witness nu am-ammu ti suspek ti biktima ngem nagwen daytoy.
Nupay kasta, idi imbaga dagiti witness nga isubli ti suspek ti selpon ket dagusna daytoy nga imbati iti abay ti biktima ken pinanggepna a tumaray ngem nabaelan daytoy a tiliwen dagiti witness.
Gapu iti dayta, inturung daytoy dagiti witness iti La Trinidad Municpal Police Station.
Naisagana dagiti kaskenan a dokumento ket naibalud daytoy a dagus sadiay BJMP District Jail.//Bombo Noveh Organo
