Naatrasan ti maysa nga aluminum windvantruck (10wheeler) ti maysa nga store sadiay Marcos Highway- Badiwan, Poblacion Tuba, Benguet iti asideg mismo iti dalan a pauneg iti Alafang itay laeng pasado alas dose ti aldaw.
Sigun iti driver nagapu dagitoy sadiay Bulacan nga agideliver iti canned goods.
Kinunana a nag-stop over dagitoy ngem idi nag-uturn ket ditoy metten a naawanan iti angin rason a saanna a nakontrol ti lugan ken saan a kimmapet ti preno a nangitunda iti panag-atras daytoy.
Gapu iti kinadagsen ti lugan nadadael ti concrete riprap rason a nag-atras daytoy a nangitunda iti pannnakadadael ti sumagmamano a paset ti bubong ti store.
Iti baet dayta, situtulok met ti driver ken ti agtagikua iti nasao a lugan a bayadanda ti nadadael iti nadakamat nga store.
Awan met ti nadangran iti nasao nga aksidente.
Kagiddan dayta, agtultuloy latta ti panagpalagip dagiti pulis kadagiti byaheros nga agannad dagitoy.//via Bombo Noveh Organo
