Nakemmeg ti maysa a lalaki nga agtawen iti 22, maysa nga Street Level Individual (SLI), tubo sadiay Bugias ken residente ti Western Buyagan, La Trinidad, Benguet babaen ti naipatungpal a Drug Buy-Bust operation sadiay Wangal, La Trinidad, Benguet itay laeng.
Nakumpiska manipud ti suspek ti maysa a piraso ti transparent zipped-locked plastic sachet a naglaon ti maatap a dried marijuana leaves nga adaan ti timbang nga agarup 49.74 grams nga addaan SDP a PhP 5,968.8. Ti nasao a marijuana leaves ket subject of sale.
Malaksid ti dayta, nakumpiska metlaeng manipud iti suspek ti selpon, maysa a piraso ti genuine One Thousand Peso bill kas buy-bust money ken maysa a piraso ti one hundred peso bill.
Balligi ti nasao nga operasyon babaen ti operatiba ti La Trinidad MPS (lead unit), Regional Intelligence Division, Regional Intelligence Unit 14, Provincial Drug Enforcement Unit/Provincial Intelligence Unit iti Benguet, ken Philippine Drug Enforcement Agency Cordillera Administrative Region.
Adda metten iti kustodiya ti kapulisan ti nasao a suspek bayat a dagiti nakumpiska a maatap a dried marijuana leaves ket maipasidung iti laboratory examination.
Posible a sumango met ti kaso a panaglabsing ti RA 9165 wenno Comprehensive Dangerous Drugs Act of 2002.
