--Ads--
BAGUIO CITY – Agpapaimbag iti ospital ti maysa a mekaniko kalpasan a binagsol dagiti saan pay a nabigbig a suspek sadiay Outlook Drive, Baguio City idi parbangon.
Nabigbig ti biktima a ni Percival Mergal Caluza, 27, ken residente iti nasao a lugar.
Maibasar iti blotter ti pulisya, magmagna ti biktima iti nasao a lugar ken paturong iti direksyon ti night market idi nasabatna ti tallo a lallaki a patienna a menor de edad.
Maysa kadagiti suspek ti nangsurot iti biktima ken iti awanan umno a rason ket binagsolna ti barukong ti biktima sakbayda a naglibas.
Dagus met nga intaray dagiti concerned citizens ti biktima iti ospital.
