Naibinsabinsa dagiti miembro ti House prosecution team para iti posible nga impeachment trial iti Senado kontra kenni Vice President Sara Duterte.
Karaman iti 11-man team ni House Committee on Justice chairman ken Batangas Rep. Gerville Luistro, San Juan Rep. Ysabel Zamora, Bukidnon Rep. Keith Flores, Manila Rep. Jose Chua, Rep. Terry Ridon, Akbayan Rep. Chel Diokno, Citizen Liberal Rep. Leila de Lima, Cagayan de Oro Rep. Lordan Suan ken Bicol Saro Party-list Rep. Terry Ridon.
Sigun kenni Ridon, adda dagiti private prosecutors a tumulong kadagiti public prosecutors, ngem maipangpangruna ti pannakaileppas ti listaan dagiti opisial a piskal.
Kabayatanna, kinuna da Luistro ken Chua a madama a maar-aramid ti committee report.
Naglaon daytoy iti resolusion ken Articles of Impeachment no sadino, manamnama a maaprobaran inton Lunes, Mayo 4.
Iti kanito a maaprobaran, dagus a maikabil iti plenario ken mabotosan.
Maibasar iti Rules on Impeachment, kasapulan a saan a bumaba iti 1/3 kadagiti kameng ti Kamara wenno 106 ti kasapulan a mangaprobar iti resolusion.
