BAGUIO CITY – Agtultuloy ti hot pursuit operation nga ipatpatungpal ti militar kadagiti maatap a kameng ti New Peoples Army a nakarinnupak ti katropada sadiay Barangay Dalican, Bontoc Mt. Province idi malem kalman.
Iti panakiuman ti Bombo Radyo kenni 1st Lt. Richard Cabanilla, Civil-Military Operations Officer ti 54th Infantry Batallion ti Philippine Army, kinunana a nakaawatda iti report mainaig iti panggep a panangsabotahe dagiti kalaban iti Concert in the Clouds sadiay Sagada, Mt. Province.
Gapu iti daytoy ket dagus a nangipatungpalda iti panagpatrolya ken idi nakagtengda iti nasao a barangay ket pinalpaltogan dagitoy dagiti armado a grupo.
Nakipinnaltog dagiti kameng ti militar ken nagbayad ti rinnupak iti las-ud ti duapulo ket lima a minutos.
Awan met ti nadangran iti benneg ti militar bayat a saan pay a sigurado nu adda ti pimmusay wenno nadangran iti benneg dagiti rebelde.
———————– Filipino translation —————-
BAGUIO CITY– Nagpapatuloy pa din ang hot pursuit operation na isinasagawa ng militar sa mga hinihinalang kasapi ng New Peoples Army na nakasagupa ng kanilang tropa sa Barangay Dalican, Bontoc Mt. Province kahapon.
Sa panayam ng Bombo Radyo kay 1st Lt. Richard Cabanilla, Civil-Military Operations Officer ng 54th Infantry Batallion ng Philippine Army, nakatanggap sila ng impormasyon hinggil sa tangkang pananabotahe ng mga NPA sa Concert in the Clouds na ginanap sa Sagada, Mt. Province.
Dahil dito ay agad silang nagpatrolya ngunit nang makarating sila sa nasabing barangay ay pinaulanan sila ng bala ng mga hinihinalang kasapi ng NPA.
Gumanti sila ng putok kung saan nagtagal ang palitan ng putok sa loob ng 25 minuto.
Wala namang nasugatan sa panig ng militar habang hindi pa tiyak kung may namatay o nasugatan sa panig ng mga rebelde.
