BAGUIO CITY – Maipaayan ti nasurok tallo nga aldaw a red carpet treatment dagiti mapili a first-time visitors ti Baguio City iti Search for the 2019 Lucky Summer Visitors ti Baguio Correspondents and Broadcasters Club (BCBC).
Impasigurado daytoy ni BCBC president ken Bombo Radyo Baguio anchorman Jordan Tablac.
Kinunana a mangrugi inton bigat, aldaw ti Huwebes, April 18 ti Search for the 2019 Lucky Summer Visitors.
Rugian ti selection committee ti panagpili iti agsapa ti April 18 sadiay Marcos Highway manipud kadagiti bus a paturong ditoy Baguio.
Puntirya ti BCBC dagiti turista a millenials gapu kadagiti physical activities a nakasagana para kadagitoy.
Sarungkaran dagiti Lucky Summer Visitors dagiti nalalatak a destinasyon dagiti turista ditoy Baguio ken kadagiti munisipyo ti La Trinidad ken Tublay sadiay Benguet.
