BAGUIO CITY – Naituding nga agbalin a P9 ti minumum a plete wenno short trip ditoy Rehion Cordillera.
Iti panakiyuman ti Bombo Radyo kenni Patricio Evangelista, dadaulo ti pederasyon dagiti operators ken drivers iti Baguio-Benguet, kinunana nga inaprobaran ti LTFRB Central Office ti 50 sentimos a kanayonan iti minimum a plete idi pay January 30 ita a tawen.
Nagturong daytoy idi kalman sadiay LTFRB Central Office para iti panakasertipikar ti panagngato ti minimum a plete ditoy rehion.
Maipalagip nga impila da Evagelista ti petisyon idi 2018 para iti panakaipangato ti minimum a plete iti rehiyon iti pisos a maipada iti NCR, Region 4 ken Region 5.
Nupay kasta, 50 a sintemos laeng ti inaprobaran ti LTFRB Central Office a mainayon iti minimum a plete para iti tunggal uppat a kilometro ditoy Cordillera.
